In the name of God

🚩 #حمض_الفوليك بطل الحمل الخارق ‼ خلال فترة الحمل لازم تاخدي عزيزتي الحامل عدة مكملات غذائية أهمها #حمض_الفوليك، مانك مقتنعة بالفيتامين قلتيلي 😕 اي تابعي مع الميددوز لتعرفي أكتر وتقتنعي 😉 🔰 بدايةً، #حمض_الفوليك هو شكل #صنعي من فيتامين B واللي اسمو #الفولات(فيتامين B9). 🔰 أفضل مصادر الفيتامين هي الحبوب المدعمة و منلاقي الفولات بشكل طبيعي بالخضراوات الخضراء الداكنة و الحمضيات 😋 🔰 بطلنا ضروري كتير لإنتاج خلايا الدم #الحمراء و بيساعد الأنبوب العصبي لطفلك على النمو والتطور إلى الدماغ و النخاع الشوكي. 🔰 أكيد رح تسألي الميددوز ايمت لازم تبدأي تاخدي هالفيتامين و شو الكمية اللي لازم آخدها ( بس لسا ما اقتنعت 😉) ✔ نظراً لأن العيوب الخلقية بتحصل خلال الأسابيع 3 _ 4 من الحمل لذلك كتير مهم أنو يكون الفولات متواجد بجسمك خلال هي المراحل المبكرة لتحمي طفلك 😊 ✔ و بيوصي مركز CDC النساء في #سن_الإنجاب بأخذ 400 ميكروغرام من الفولات كل يوم. ✔ كمان بتوصية من مركز CDC للنساء اللي عم تخطط للحمل أنو تبدأ بتناول حمض الفوليك #كل_يوم لمدة #شهر على الأقل #قبل الحمل و كل يوم #أثناء الحمل حسب الجرعات التالية 👈 ▪ 400 ميكروغرام كل يوم خلال الأشهر #الثلاثة الأولى ▪ 600 ميكروغرام خلال الأشهر 4 _ 9 من الحمل ▪ 500 ميكروغرام أثناء الرضاعة الطبيعية 🔰 ما اقتنعتي لسا بأهمية هالبطل سيدتي الحامل 😱 ( والله إقناعك أصعب من علوم البكالوريا سيدتي 😐) طيب وإذا قلنالك أنو بيحميكي وبيحمي طفلك من كتير أمور : ✔ إصابة طفلك بما يسمى #عيوب_الأنبوب_العصبي اللي بتشمل : 👈 شلل الحبل الشوكي 👈 انعدام الدماغ ✔ و بقلك مركز CDC أنو إذا كان عندك طفل مصاب بعيوب في الأنبوب العصبي فالحصول على حمض الفوليك بكمية كافية ممكن يقلل خطر إنجاب طفل آخر مصاب بنسبة تصل إلى %70 . ✔ ومو بس هيك، بطلنا كمان بيحمي طفلك من الشفة المشقوقة ، الحنك المشقوق ، الولادة المبكرة و نقص الوزن. ✔ بيحمي أيضاً من الإجهاض و النمو الضعيف في الرحم. ✔ بيقلل مخاطر التعرض لمضاعفات الحمل و أمراض القلب و السكتة. ✔ بالإضافة أنو بيقلل من خطر بعض أنواع السرطان و مرض الزهايمر. اقتنعتي أنو بطل خارق عزيزتي ولا لسا 😉😎 أكيد أكيد اقتنعتي 😂😂 منتمنالك حمل مريح و طفل بصحة جيدة👶 💓 دمتم بخير💗 ▪ إعداد وتحرير :الصيدلانية إليسار مازن وسوف ▪ المصدر : Webmed || https://wb.md/3fhkQHF ▪قناتنا على التيلغرام : https://t.me/meddose 🚩اعـتماد : ” المنصَّـة الدوائيَّـة السوريَّـة – MedDose ” المتخصصة بنشر علم #الأدويـة و #الأعشـاب الطبية من “مـصادر مـوثوقـة” ومحاربة الخرافات الطبيـة .